سياسة الخصوصية

آخر تحديث: أكتوبر 2026

فيلمونت (Veylmont) شركة وساطة واستشارات عقارية في مصر. الصفحة دي بتوضح البيانات اللي بنجمعها لما تتواصل معانا من الموقع أو من إعلاناتنا، وبنستخدمها في إيه.

البيانات اللي بنجمعها

لما تملا فورم على الموقع أو فورم في إعلان من إعلاناتنا (زي إعلانات جوجل أو ميتا): الاسم، رقم التليفون، والإيميل والمنطقة والرسالة لو كتبتهم، وإجاباتك على أسئلة الفورم (زي نوع الوحدة أو الميزانية).

معلومات عن الإعلان أو الرابط اللي جابك للموقع (زي اسم الحملة ورقم الضغطة على إعلان جوجل)، علشان نعرف أنهي إعلان بيوصّل للناس المهتمين فعلًا. المعلومات دي بتتحفظ في متصفحك لمدة 90 يوم بحد أقصى.

بنستخدمها في إيه

علشان مستشار من فريق المبيعات عندنا يتواصل معاك بخصوص طلبك، ويبعتلك تفاصيل المشاريع اللي تناسبك.

علشان نعرف أنهي إعلانات وصفحات بتفيد الناس أكتر ونحسّنها.

مين بيشوفها

بياناتك بتتسجل في قاعدة بيانات الموقع وفي نظام إدارة العملاء (CRM) بتاعنا، وبيشوفها فريق فيلمونت المسؤول عن طلبك بس.

مش بنبيع بياناتك ولا بنأجرها لأي حد. ممكن نشارك اسمك ورقمك مع المطوّر العقاري بتاع المشروع لو طلبت تحجز أو تعاين وحدة عنده، وبعد ما تكون موافق.

مدة الاحتفاظ

بنحتفظ ببيانات التواصل طول ما فيه تعامل بينا، ولما تطلب مسحها بنمسحها من أنظمتنا.

حقوقك

تقدر في أي وقت تطلب تشوف بياناتك أو تعدّلها أو تمسحها، أو توقف تواصلنا معاك: ابعتلنا على info@veylmont.com أو كلّمنا على +201551999639.

التحديثات

ممكن نحدّث السياسة دي، وأي تعديل هيظهر هنا بتاريخه.